Жаңаөзендің мұнайшылар мәселе шешілмесе, қайтадан Астанаға келетіндерін айтты. Пойызда келе жатқан мұнайшылар наразылықтарын бейне үндеу арқылы жеткізді.
Саясаттанушының ойынша Жаңаөзендіктердің алаңға шығуы болжамды әрекет болды. Себебі халықтың билікке өз мәселесін жеткізу жолдары қалмағанын айтты. Досым Сәтбаев өз пікірін әлеуметтік желіде жазды.
Қазақстан Республикасы Парламенті Мәжілісінің төрағасы Ерлан Қошанов мұнайшылардың наразылық шарасын ұйымдастырған адам бар екенін жоққа шығармады. Бұл іспен құқық қорғау органдарының айналысып жатқанына назар аударған мәжіліс төрағасы "барлығы да мүмкін" деп ойлайды.
Жұмыссыз қалған 250 маңғыстаулық мұнайшылар Астанаға келіп, «Қазмұнайгаз» бен Энергетика министрлігі ғимараты алдында жиналып, «Өзенмұнайгаз» АҚ штатына жұмысқа орналасуды талап етті. Былтыр жұмысшылар «Берали Маңғыстау Company» мекемесінде жұмыс істеген. Кейін жұмыссыз қалып, ешқандай әлеуметтік көмек ала алмаған.
Маңғыстау облысында мұнайшылар талабынан кейін компания еңбекақыны 20 пайызға көтеруге келісім берді. Алайда ереуілге шыққан жұмысшылар айлық табысты екі есе арттыруды сұрап отыр.