АҚШ Украинаға миллиардтаған доллар қосымша көмек көрсетуге шақырды

АҚШ үкіметі Конгрестен Украинаға миллиардтаған доллар қосымша көмек көрсетуді мақұлдауға шақырды, - деп хабарлайды Arbat.media.

«Егер Путин Украинаны бақылауға алып, НАТО шекарасына дейін ілгерілей алса, шығын көп болар еді», - деді Ақ үй.

Бұл ретте ATACMS алыс қашықтыққа ұшатын зымырандарды жеткізу мәселесі әлі де талқылануда.

Бұған дейін Владимир Зеленский Киев жақын арада ATACMS алатынына сенім білдірген болатын.

Ал Ұлттық қауіпсіздік кеңесінің координаторы Джон Кирби әлі шешім қабылданбағанын айтты.

Киев АҚШ-тан 300 км-ге жуық ұшатын бұл зымырандарды бірнеше рет сұраған, бірақ Ақ үй бұл олардың Ресей аумағындағы нысандарға соққы беруге мүмкіндік береді деп сескенеді.