Мықтылар айқасы: Қамшыбек Қоңқабаев пен Баходир Жалолов "Странджа" кубогында кездеседі

Белгілі боксшы Қамшыбек Қоңқабаев Токио Олимпиасының чемпионы Бахордир Жалоловпен "Странджа" кубогының ширек финалында бүгінде айқасқа шығады, деп хабарлайды Arbat.media.

20 ақпанда Болгария астанасы Софияда басталған 74-ші "Странджа" кубогында аса ауыр салмақта қос мықтының айқасы өтеді. Токио Олимпиадасында чемпион атанған өзбек Баходир Жалолов пен қола жүлдегер Қамшыбек Қоңқабаев турнирдің ширек финалында кездеседі. 

Бұған дейін алғашқы кездесуінде отандасымыз Қамшыбек сербиялық Артиом Стэннен басым түссе, өзбек боксшысы америкалық Эдвард Жошуаны қапы қалдырды. Екі алыптың кездесуі жарыстың кешкі сессиясында өтеді. 

Arbat.media бұған дейін бокстан ұлттық құраманың "Странджа" турниріне аттанғанын жазған болатын. Жарыстың алғашқы күнінде бес боксшы шаршы алаңға шықса, оның біреуі ғана есе жіберген.