Қазақстанға таэквондодан әлем чемпионатында 6 медаль бұйырды

Әлем чемпионатының екінші күнінің қорытындысы бойынша кадеттер арасында таэквондодан қазақстандық спортшылар 2 алтын, 3 күміс және 1 қола медаль жеңіп алды, - деп хабарлайды Arbat.media.

Екінші жарыс күнінің қорытындысы бойынша Қазақстан командасы 6 медаль жеңіп алды: 2 алтын, 3 күміс және 1 қола. Бауыржан Исамедин ( 164 см-ге дейін) және Таисия Боровикова (164 см) алтын медаль алды.

Күміс жүлдегерлер – Нұрперзент Саматұлы (160 см), Назерке Жаңаберген (144 см) және Әділет Шері (156 см).

Қола жүлдені Дінмұхамед Толыбай (152 см) жеңіп алды. Әлем чемпионаты 31 тамызда аяқталады.

Таэквондодан кадеттер арасында әлем чемпионаты Босния мен Герцеговинаның астанасы Сараево қаласында өтіп жатыр.