Үш баласын өлтірген маңғыстаулық әке өмір бойы бас бостандығынан айырылды

Маңғыстау облысының 3 баласын өлтірген әкеге қатысты қылмыстық іске үкім шықты, деп хабарлайды Arbat.media.

Сотта қылмыскер Е. балтамен және ас үй пышағымен үйге қасақана үш жас баласын ерекше қатыгездікпен өлтіргені анықталды. Қылмыс жасаған адамның кінәсі жәбірленушінің, сотталушының өзінің айғақтарымен, сараптамалардың қорытындыларымен, заттай дәлелдемелермен және істің басқа материалдарымен дәлелденіп отыр.

Прокурор сотталушыны кінәлі деп тануды және өмір бойына бас бостандығынан айыру жазасын тағайындауды сұраған Сотталушы өз кінәсін мойындап, істеген ісіне өкінетінін айтты.

Осы баптың санкциясы 20 жылға бас бостандығынан айыру немесе өмір бойына бас бостандығынан айыру түріндегі негізгі жазаны қарастырады.

Сот үкімімен Е. ҚК-нің 99-бабының 3-бөлігі бойынша кінәлі деп танылды және оған кәмелетке толмаған балаларға байланысты қызмет   атқару құқығынан өмір бойына айыра отырып, өмір бойына бас бостандығынан айыру түріндегі жаза тағайындалды. Үкім заңды күшіне енген жоқ, - деп жазылған баспасөз қызметінің хабарламасында.

Наурыз айында Ақтауда үш баласын өлтірген әке ұсталған болатын. Қылмыскердің ауылдастары оның радикал діни бағытта екенін растаған еді. Қылмыстық оқиға болған күні күдіктінің көршілері оны үш баласымен үйге кіріп бара жатқанын көргенін айтты. Кейін облыстық полиция оның қылмыстық іске мас күйінде барғанын растады. Мамыр айының соңында аталған қылмыстың істің сотқа жолданғаны белгілі болды.