Тоқаев ЕҚЫҰ Парламент Ассамблеясының Президентін қабылдады
Мемлекет басшысы ЕҚЫҰ Парламент Ассамблеясының Президенті Маргарета Седерфельтті қабылдады, деп хабарлайды Arbat.media.
Президент Қасым-Жомарт Тоқаев Маргарета Седерфельтпен кездесу барысында оның сапары Қазақстан мен Еуропадағы қауіпсіздік және ынтымақтастық ұйымының Парламент Ассамблеясы арасындағы қарым-қатынасты нығайту үшін маңызды екенін атады.
Президент парламенттік дипломатия мемлекеттер мен халықтар арасындағы байланыстарды нығайтуға көмектесетініне назар аударды. Сондай-ақ ауқымды саяси және экономикалық өзгерістердің жүзеге асырылуы туралы сөз болды.
Маргарета Седерфельт Қазақстанда жүргізіліп жатқан реформаларды қолдайтынын және ЕҚЫҰ Парламент Ассамблеясы негізгі саяси институттардың жүйелі трансформациялану барысын ерекше қызығушылықпен бақылап отырғанын жеткізді.
Кездесуде Астана халықаралық форумындағы (AIF), сондай-ақ аймақтық және жаһандық күн тәртібіндегі өзекті мәселелер талқыланды.
