Седовтың өлімінен кейін Илья Ильин "ескі досы" туралы пікір білдірді

Екі Олимпиада чемпион болып, кейін допингпен ұсталған Илья Ильин әріптесі Владимир Седовтың өлімінен кейін пікір білдірді, деп хабарлайды Arbat.media.

И.Ильин В.Седовтың туған-туыстарына көңіл айта отырып, бұл Қазақстанның ғана емес, спорт әлемі үшін ауыр қаза екендігін мәлімдеді. 

Өкініштісі сол, оңғы жылдары байланысымыз үзілген еді. Ара-тұра ортақ таныстарым арқылы оның жағдайын білетінмін, онда бәрі орынша сияқты еді. Осылай қайғымен аяқталғаны өте өкінішті. Жеке проблемалар көңіл қалғандықтан пайда болады. Владимирдің тарихын жақсы білемін, оның өз проблемалары бар еді. Өкінішке қарай, өмірден тым ерте кетті. Жігіттер, бір-біріңді бағалаңдар. Иә, қазір бәріне ауыр, дегенмен жақындарымызға мән берейік, - деді Ильин.

Илья Владимир Владимир Седовтың өлімінен кейін қоғам болып дабыл қағу керектігін атады. 

Бір-бірімізге мән беретін уақыт жетті. Адамгершілік, жанашырлық – біз осыған ұмтылуымыз қажет. Өзгеруіміз керек. Федерацияға жаңадан басшылық келді, өзгерістер болады деп үміттенемін. Әрекетпен көрсету керек, ашық диалог жүргізу қажет. Сол арқылы ғана осы жағдайларды шеше аламыз. Қазір көмекке мұқтаж спортшылар көп, соларды құтқару керек, - деді Ильин.

Өз кезегінде ол екі жыл бұрын 25 жасында қайтыс болған Альберт Линдердің де суицид арқылы өмірі үзілгенін атады.

Бұл екінші жағдай. Әлемдік ауыр атлетикада да, Қазақстандағы жағдай да өте ауыр. Бізде күрделі мәселелерді көрмейді. Бізге бірге болу керек. Адамдар айлықсыз, жұмыссыз отыр. Олардың жағдайына ешкім мән бермейді. Қолға алынса, шешілмейтін мәселе жоқ. Бір жерге барасың, сені жылы шығарып салады. Ешкімге керек емессің. Отбасыңда проблемалар туындайды, себебі асырауың керек. Федерацияның өз проблемалары бар. Қолымнан келгенше жігіттерді қолдауға тырысамын. Жалғыз өзім не істей аламын? Қазір 30 шақты адам жұмыссыз отыр. Оларды не істейміз? Мәселе осында. Олар спортшыларды алып тастайды, әрі қарай тағдыры не болып жатқанынан ешкім хабарсыз, - деді ауыр атлет. 

Бұған дейін Владимир Седовтың қайтыс болғаны туралы ақпарат тараған еді. Оның мәйітін өзі тұратын Достық ауылынан тапқан.