"ҚазМұнайГаз" ҰК-ның арнайы комисссиясы Жаңаөзенде бір ай бойы тексеріс жүргізеді

Бір айдың ішінде "ҚМГ" ҰК "АҚ орталық аппараты қызметкерлерінен құралған комиссияның 32 мүшесі " Өзенмұнайгаз " АҚ-ның және сервистік компаниялардың өндірістік және қаржылық-экономикалық қызметіне талдау жасайды, деп хабарлайды Arbat.media 

Аталған комиссияны "ҚазМұнайГаз" ҰК АҚ басқарма төрағасының өндіріс жөніндегі орынбасары Дәулетжан Хасанов басқарады. Комиссия "Өзенмұнайгаз" АҚ-ымен қатар компанияға қызмет көрсететін "сервистердің" де қызметін тексеруді көздеп отыр. 

Біз барлық процедуралық ережелерді – олардың бар-жоғын және қалай орындалатынын тексереміз. Әрбір бөлімше бойынша, әрбір сервистік компания бойынша жұмыс істейтін боламыз.  Біз компанияның белгілі бір "фотосуретін" түсіреміз, әр мамандық бойынша фокус-топтарды таңдаймыз, сұхбат жүргіземіз, проблемаларды анықтаймыз және осы мәселелерді шешуге ұсыныстар береміз. Соның ішінде, комиссия қаражаттың тиімді жұмсалатынын, неге проблемалар туындайтынын, мысалы, сапа бойынша, материалдарды жеткізу мерзімдері бойынша тексеретін болады. Сондай-ақ, жұмыспен қамту жүйесі, адамдарды жылжыту және тағайындау жүйесі бойынша белгілі бір шағымдар бар. Біз мұның бәрін комиссия шеңберінде тексеретін боламыз, - деді Дәулетжан Хасанов.

Комиссия мұнайшылар қаласында бір ай болмақ. Сонымен қатар, қазір қазір күнтізбелік жұмыс жоспары әзірлену үстінде. 

Бұған дейін Жаңаөзенде сервистік қызмет көрсететін компанияның жұмыс істеген жүздеп астам топ талап қойған болатын. Олар өздері еңбек еткен мекемеге өндірістік жұмыс беруді сұрап талап қойған. Кейін бұл наразалық Астанада Энергетика министрлігінің алдында жалғасты. Кейін оларды күштік жасақ қамауға алып, бір күннен соң Маңғыстауға пойызбен аттанды. Олардың арасынан онға тарта адам келіссөздер үшін Астанада қалып, арнайы құрылған комиссия өкілдерімен бірнеше рет кездесті. Алайда мәселе толығымен шешімін тапқан жоқ.