Қазақстанға Вьетнам парламенттік делегациясы келеді

Қазақстанның Сенат және Мәжіліс төрағалары Вьетнам парламенттік делегациясымен кездеседі, - деп хабарлайды Arbat.media.

Бұл туралы ҚР Сыртқы істер министрлігінің ресми өкілі Айбек Смадияров айтты.

25-28 қыркүйек аралығында Вьетнам коммунистік партиясы орталық комитетінің мүшесі және ВСР Ұлттық жиналысы төрағасының бірінші орынбасары Нгуен Кхак Динь басқаратын парламенттік делегация Қазақстанға келеді.

Вьетнам өкілдерінің ҚР Парламенті сенатының төрағасы Мәулен Әшімбаев, ҚР Парламенті мәжілісінің төрағасы Ерлан Қошанов, ҚР премьер-министрінің орынбасары Серік Жұманғарин, Алматы әкімінің орынбасары Арман Қырықбаев пен ҚР Сыбайлас жемқорлыққа қарсы іс-қимыл агенттігінің төрағасы Асхат Жұмағалимен екіжақты кездесу жоспарланған.