Қазақстанда 21 жасқа толмағандарға микронесие берілмеуі мүмкін
Қаржы нарығын реттеу және дамыту агенттігі талқыға шығарған қаулы-жобасында 21 жасқа толмаған азаматтарға микронесие беруге тыйым салыну мүмкіндігі туралы айтылған, деп хабарлайды Arbat.media.
Бұл құжат сәуірдің 28-не дейін көпшілік талқылауында болады.
Атаулы әлеуметтік көмекті және 21 жасқа толмаған қарыз алушының кірісін бағалау ресми кірісі негізінде айқындалады. Қарыз алушының орташа ай сайынғы кірісі оның өтініш жасау алдындағы қатарынан 6 айдағы қатынасы ретінде есептеледі, - делінген "Ашық" НҚА порталында жарияланған құжатта.
Қаулы жобасына қосымша берілген түсіндірмеге сәйкес бұл бастама 21 жасқа толмаған тұлғаларға микронесие беруді шектеу мақсатында енгізілмек.
Жоба 21 жасқа толмаған адамдарға микрокредит беруді шектеу мақсатында, сондай-ақ осындай қарыз алушыларды қорғау мақсатында әзірленді. Сонымен қатар, жобада тұтынушылық несиелеуде тәуекелдердің өсуіне жол бермеу мақсатында борыштық жүктеме коэффициентін есептеуге қойылатын талаптарды қатаңдату көзделген, - деп түсіндірме берілген қаулыға.
