Қапшағайда құмға батқан отбасы мүшелері құтқарылды

Алматы облысында Қапшағай су қоймасының жағалуында құмға батып қалған көлікте отырған отбасы мүшелері құтқарылды, деп хабарлайды Arbat.Media.

Өңірлік төтенше жағдайлар департаментінің мәліметінше, оқыс оқиға 7 маусым күні кешкі сағат 22-50-де болған. 

Алматы облысы ТЖД кезекші бөліміне Қапшағай су қоймасының солтүстік жағалауында, "Золотые пески" демалыс базасының ауданында адамдармен көлік кептеліп қалғаны туралы хабарлама келіп түсті. Оқиға орнына Қонаев қаласының жедел-құтқару жасағының құтқарушылары дереу жолға шықты. Жағалауға демалуға келген бір жасар баласы бар ерлі-зайыптылар орналасқан "Chevrolet Nexia" маркалы автокөлік құмда қалып қойғаны анықталды, - деді облыстық ТЖД-нің баспасөз қызметіндегілер. 

Сағат 23-50-де  құтқарушылардың күшімен автомашина негізгі жолға эвакуацияланған. Содан кейін адамдар медициналық көмекке мұқтаж болмағандықтан бірден үйлеріне оралған.