Орал қаласының тұрғынынан 28 келі қара уылдырық пен 157 келі бекіре тәркіленді

Орал қаласының полицейлері 1955 жылғы азаматтың тұрғылықты жері бойынша санкцияланған тінту кезінде заңсыз сақталған балық пен уылдырықты тәркіледі, деп хабарлайды Arbat.media Қазақстан Республикасы Ішкі істер министрлігіне сілтеме жасап.

Тәркіленгендер сақтау қоймаларына тапсырылды.

"Бекіре" жедел алдын алу іс-шарасын өткізу барысында БҚО ПД Экстремизмге қарсы іс-қимыл басқармасы мен Жергілікті полиция қызметі басқармасы қызметкерлері құрып кету қаупі төнген балықтың дериваттарын заңсыз сақтағаны үшін 68 жастағы зейнеткерді ұстады.

Аталған фактіге сәйкес ҚР ҚК 339-бабы 1-бөлігі бойынша сотқа дейінгі тергеу жүргізіліп жатыр.