Кәрім Мәсімов сот үкіміне қатысты шағым түсірді

Таяуда қаңтар оқиғасы бойынша 18 жылға сотталған Ұлттық қауіпсіздік комитетінің бұрынғы төрағасы Кәрім Мәсімов шығарылған үкімге қатысты апелляциялық шағым түсірді, деп хабарлайды Arbat.media.

24 сәуірде Астана қаласының қылмыстық істер жөніндегі мамандандырылған ауданаралық соты Ұлттық қауіпсіздік комитетінің бұрынғы төрағасы Кәрім Мәсімовке және оның орынбасарлары А.Садықұловқа, Д.Ерғожинге, М.Осиповке қатысты қылмыстық іс бойынша бас бостандығынан айырған еді. 

Апелляциялық шағым түсірілді, бірақ іс апелляциялық сотқа әлі келіп түскен жоқ. Атап айтқанда, іс «аса құпия» мәртебесімен қаралғандықтан, басқа мәліметтер жария етуге жатпайды», - деп жазылған қалалық сот баспасөз қызметінің мәліметінде.