Еркін күрестен Азия чемпионатында қазақстандық екі балуан финалға шықты

Астанада өтіп жатқан Азия чемпионатында еркін күрестен балуан финалда күреседі, деп хабарлайды Arbat.media.

Ерлер арасында 70 Санжар Досжанов пен 79 келіде Болат Сақаев алтын үшін күреседі. 

Бүгін бозкілемге шыққан Санжар Досжанов Оңтүстік Корея балуаны Пак Су Хенді жеңсе, одан кейін қырғызстандық Орозобек Токтомамбетовтен басым түсті. Жартылай финалда Мортеза Гиасиді қапы қалдырып, финалда өзбекстандық Зафарбек Тихоновпен шеберлік байқасады.

79 келіде сынға түсіп жатқан Болат Сақаев финалға дейін жапониялық Яджуро Ямасаки, Амир Хосейн Кавусифарнан мықты екенін дәлелдеді.

Бұдан бөлек, ұлттық құрама балуандарынан Рахат Қалжан (57 келі), Мұхтар Санжар (65 келі), Бекзат Үркімбай (97 келі) қола жүлде үшін күреседі. 

 Бұған дейін Азия чемпионатында грек-рим және әйелдер күресі құрамасы күресіп, үш алтын медальға қол жеткізді.