Әлемнің 20 елінде коронавирус инфекциясы өршіп келеді

ҚР Денсаулық сақтау министрі Ажар Ғиният елдегі эпидемиологиялық жағдайды баяндап, коронавирус шектеулері қайта орнай ма деген сұраққа жауап берді, - деп хабарлайды Arbat.media.

Бұл туралы ҚазАқпарат жазады.

«Елімізде коронавирус бойынша эпидемиологиялық жағдай тұрақты. Қазір жиырмадан астам ел коронавирус инфекциясының өршіп келе жатқанын айтуда. Ал бізде өткен жылмен салыстырғанда керісінше 30 есеге жуық төмендеу бар екенін көріп отырмыз. Сондықтан біз мұны бақылауда ұстаймыз», - деді Денсаулық сақтау министрі.

Министрдің айтуынша, қазір де шағымдармен келіп, ауруханада емделіп жатқан науқастар бар. Инфекциялық стационарлар небәрі 2% толған.

«Тұтас ел бойынша 200 мыңнан астам доза (Cinofarm, Pfaizer Commirnaty) вакцина бар, кез келген адам вакцина ала алады. Эпидемиологиялық жағдай жақсы болғандықтан, еш шектеу шаралары болмайды», - деді Ажар Ғиният.