Зеленский мен Байден келесі аптада Вашингтонда кездеседі

Зеленский мен Байден келесі аптада Вашингтонда кездеседі, - деп хабарлайды Arbat.media.

АҚШ президенті украиналық әріптесін 21 қыркүйекте Нью-Йорктегі БҰҰ Бас ассамблеясының отырысынан кейін Ақ үйде қабылдайды.

Владимир Зеленский АҚШ Конгресіне де барады, деп хабарлады агенттікке Вашингтондағы дереккөздер.

ABC News бұған дейін Украинаның жоғары лауазымды тұлғасына сілтеме жасай отырып, Зеленскийдің БҰҰ Бас ассамблеясының отырысына қатысуды жоспарлап отырғанын хабарлаған.

2022 жылдың желтоқсан айының соңында Украина президенті Вашингтонға барды, онда ол Джо Байденмен кездесті, сонымен қатар Конгресте сөз сөйлеген болатын.