Мемлекеттік Дума: Мобилизацияланған ресейліктер соғыс аяқталғанша үйіне қайтпайды

Мобилизацияланған ресейліктер соғыс аяқталғанша үйне қайтпайды, деп мәлімдеді Мемлекеттік Дума, - деп хабарлайды Arbat.media.

Бұл туралы Мемлекеттік Думаның қорғаныс комитетінің төрағасы Андрей Картаполов Lenta.ru сайтына берген сұхбатында мәлімдеді.

"Олар арнайы әскери операция аяқталғаннан кейін үйіне қайтады. Ешқандай ротация қарастырылмаған. Әр алты ай сайын еңбек демалысына шығуға құқылы, қазір демалысқа шығып жатыр", - деді депутат.

Meduza басылымы 9 қыркүйекте Картаполовтың керісінше - жұмылдырылғандарға қатысты ротация жүргізілетінін мәлімдегенін атап өтті. Оны контракт бойынша сарбаздарды алу арқылы қамтамасыз ету керек.

Маусым айында Владимир Путин мобилизацияланғандардың үйіне қайту уақыты жағдайға байланысты анықталатынын айтқан.

«Әрине, белгілі бір уақытта адамдарды үйіне бірте-бірте қайтару қажет болады және бұл мәселе, әрине, Қорғаныс министрлігінде талқылануда.Бұл қандай да бір мобилизация қажет пе және т.б.соған байланысты», - деген болатынПутин.