Қазақстан бітімгершілері Ресей мен Украина шекарасына бармайды - Қорғаныс министрлігі

БітімҚазақстан Қорғаныс министрінің орынбасары Сұлтан Қамалетдинов Украинадағы шиеленіс аумағына ҰҚШҰ аясында қазақстандық бітімгерлерді жіберу қарастырылмағанын мәлімдеді, деп хабарлайды Arbat.media.

Мәжілістегі баспасөз мәслихатында министрдің орынбасары Қазақстанның бітімгершілерін Украина мен Ресей шекарасына жіберу мүмкіндігі туралы айтты.  

Мұндай тәуекелдер жоқ. Бұл тұрғыда мемлекеттің ерікті негізде қатысуы ескерілген. Екіншіден, әскери контингентті мемлекеттен тыс жерге бағыттаған кезде, бұл шешімді алдымен Парламент мақұлдауы тиіс, - деді Сұлтан Қамалетдинов. 

Ол бұл мәселеге қатысты шешім Парламент қабылдайтынын, сондықтан Қорғаныс министрлігі бітімгерлерді бағыттауға қатысты өз еркімен бұйрық шығармайтынын жеткізді.