Атырау облысында жоғалған екі малшы табылмай жатыр
Атырау облысында жоғалған малшылар әлі табылмай жатыр, деп хабарлайды Arbat.media.
Облыстық төтенше жағдайлар департаментінің баспасөз қызметінің мәліметі бойынша, екі малшы жоғалып кеткелі бері хабар-ошар болмай оытр. Ол екеуінің із-түссіз кету уақыты екі түрлі. Бірі жеті күннен бері Жылыой ауданы Құлсары қаласынан 70 шақырым жерде шаруа қожалығынан шыққан күйі жоқ болып кеткен.
29 мамыр күні іздестіру-құтқару жұмыстарына "Қазавиақұтқару" АҚ МИ-8 тікұшағы жұмылдырылды. Бортында 5 экипаж мүшесі, ТЖД 4 қызметкері және туысқаны бар", - дейді облыстық ТЖД-нің баспасөз қызметіндегілер.
24 мамырда Жылыой ауданында малшы шаруа қожалықтарының бірінен шығып, қайтып оралмағаны туралы құтқарушыларға шақырту түскен еді. Анықтау барысында 1986 жылы туған малшы жігіт 23 мамырда сағат 17:00-де Жылыой ауданы Құлсары қаласынан 70 шақырым қашықтықта орналасқан шаруа қожалықтарының бірінен шығып кеткені белгілі болды.
Сондай-ақ, өңірдегі Құрманғазы ауданынан 120 шақырым қашықтықта орналасқан Ж.Нажімеденов ауылына қарасты Қошалақ елді мекенінде болған жағдай бойынша да іздеу жұмыстары жалғасуда. "Теміржанов" шаруа қожалығынан 26 мамырда сағат 14:00 шамасында мал іздеуге шығып кеткен 1963 жылы туған азамат қайта оралмаған.
Поделиться
Читать Arbat media в