Астанада жыл басынан бері 6 бала терезеден құлап кеткен

Биыл жыл басынан бері Астанада балалардың терезеден құлауының 6 дерегі тіркелді, деп хабарлайды Arbat.media.

«Қуанышқа орай, барлық бала аман, алайда жарақат алған», - делінген polisia.kz таратқан ақпаратта.

Оқиғалардың бірінде 2 жасар сәби үйде үлкен балалармен қалған. Ол терезеге көтеріліп, масаға қарсы торға сүйенбек болып үшінші қабат терезесінен құлап кеткен. Бүлдіршін ауруханаға жатқызылды.

Сондықтан оқыс оқиғалардан сақтану мақсатында тағы да ата-аналарға балалар қауіпсіздігі ережелерін қатаң сақтау қажеттілігін ескертеді.