Ақтөбе облысында қаржы пирамидасын құрған тұрғын алты жылға сотталды
Ақтөбеде қаржы пирамидасының басшысы 6 жылға бас бостандығынан айырылды, деп хабарлайды Arbat.media.
Ақтөбе қалалық №2 сотымен “Центр финанс” қаржы пирамидасының басшысы Б.Томинге айыптау үкімі шығып, нәтижесінде 6 жылға бас бостандығынан айырылды.
197 салымшыларға келтірілген шығын 825 млн теңгені құрады. Аталған ұйым салымшылардың салынған ақшаларының үстінен 40 пайызға дейін пайдаға кенелетінін меңзеп, 300 мың теңге мен 2 млн теңге арасында қаржылай жинап алған, одан бөлек автокөліктерді жоғары нарықтық бағамен сатып алып, оларды төмен нарықтық бағамен сатқан, деді Ақтөбе облысы ПД ТБ бастығының орынбасары Нұрболат Сұлтанов.
Қаржылық мониторинг агенттігінің Алматы қаласы бойынша департаменті қалалық прокуратурамен бірлесіп оңтүстік мегаполис аумағында "Qnet" қаржы пирамидасын басқару дерегі бойынша күдіктіні ұстаған болатын.
