УЕФА жыл футболшысы мен жыл бапкерін анықтады

Чемпиондар лигасының топтық кезеңінің жеребе тарту рәсімі кезінде Еуропа футбол қауымдастықтары одағының (УЕФА) нұсқасы бойынша жылдың үздік футболшысы анықталды, - деп хабарлайды Arbat.media.

«Манчестер Ситидің» шабуылшысы Эрлинг Холанд жылдың үздік футболшысы атанды. Өткен маусымда бұл норвег командасымен бірге Ағылшын премьер-лигасын, Чемпиондар лигасын және Англия кубогын жеңіп алып, требл рәсімдеді.

Үздік үш үміткердің қатарына шілдеде француздық «Пари Сен-Жерменнен» америкалық «Интер Майамиге» ауысқан Лионель Месси мен Холанд клубтасы  Кевин Де Брюйне кірді.

«Манчестер Ситидің» бапкері Хосеп Гвардиола жылдың үздік бапкері атанды.

Үздік әйелдер бапкері ретінде Англия құрамасының бас бапкері Сарина Уигман таңдалды.

«Барселона» және Испания құрамасының жартылай қорғаушысы Айтана Бонмати жылдың үздік әйел футболшысы атанды.