Жазушылар одағы басшыларының бірі "спектакль" болатынын мәлімдеп қызметінен кетті
Қазақстан жазушылар одағы төрағасының бірінші орынбасары Ақберен Елгезек белгілі себеппен қызметінен кеткенін мәлімдеді, деп хабарлайды Arbat.media.
Бірнеше жылдан бері шығармашылық ұжымда басшылық қызметте болған ақын Ақберен Елгезек бұл шешімінің мәнісі туралы қысқа ғана мәлімдеме жасаған.
Ардақты ағайын! Мен бүгіннен бастап Қазақстан жазушылары одағындағы қызметімнен ресми түрде кеттім. Келе жатқан Құрылтайда қойылатын спектакльге қатысуға құлқым жоқ. Ұлтымыздың ұлы әдебиеті жасай берсін!, деп қысқа ғана пікір білдірген.
Жазушылар құрылтайында қандай "спектакль" қойылатыны туралы ақын ашып ештеңе жазбады. Сондықтан оның қандай сипатта өрбуі мүмкін екенін әзірге білу мүмкін болмай отыр.
Ал жазушылар одағының төрағасы Ұлықбек Есдәулет әлеуметтік желіде алда өткелі жатқан әдеби жыл қорытындысы, келешек құрылтай өткелі жатқаны туралы жазба жариялап, соңынан өшіріп тастады.
Поделиться
![](https://vk.com/share.php?url=https://arbatmedia.kz/news-kz/zazusylar-odagynyn-bassysy-alda-spektakl-bolatynyn-malimdep-qyzmetinen-ketti-9455&title=Жазушылар одағы басшыларының бірі "спектакль" болатынын мәлімдеп қызметінен кетті&description=Жазушылар одағы басшыларының бірі "спектакль" болатынын мәлімдеп қызметінен кетті&image=https://arbatmedia.kz/images/prev/2023/04/04/arbatmedia-zazusylar-odagynyn-bassysy-alda-spektakl-bolatynyn-malimdep-qyzmetinen-ketti-9455.jpeg&noparse=false){kind=link}
Читать Arbat media в