Түркия басшысы Тоқаевқа көңіл айтты

Қасым-Жомарт Тоқаев Түркия Президенті Режеп Тайип Ердоғанмен телефон арқылы сөйлесті, деп хабарлайды Arbat.media.

Ақорданың мәліметінше, Түркия тарапының бастамасы бойынша Мемлекет басшысы Қасым-Жомарт Тоқаев Түркия Президенті Режеп Тайип Ердоғанмен телефон арқылы байланысқан.

Түркия Президенті Абай облысындағы алапат өрт салдарынан адамдардың қаза табуына байланысты Қасым-Жомарт Тоқаевқа және бауырлас Қазақстан халқына көңіл айтты, - деп жазылған ақпаратта. 

Әңгімелесу барысында тараптар екіжақты ынтымақтастық мәселелерін талқылаған. 

Сонымен қатар, бұған дейін Өзбекстан президенті де мемлекет басшысымен сөйлесіп, Абай облысындағы өрттен қайтыс болғандар үшін көңіл айтқан болатын.