Түркістан облысында түн ішінде орман өртенді

Бүгінде түнде Түркістан облысы «Сайрам-Өгем» МҰТП-нің Өгем филиалына қарасты Келес орманшылығында өрт шықты, деп хабарлайды Arbat.media.

Төтенше жағдайдан кейін тез арада жедел штаб құрылып, оның құрамына орман шаруашылығы, жергілікті атқарушы органдар мен Түркістан облысы ТЖД қызметкерлері бекітілді. 

Жедел қабылданған шаралар мен жұмылдырылған күштер мен құралдарды ескере отырып, құрғақ шөп пен бұталар өрті сағат 05.50-де оқшауланып, сағат 08.00-де сөндірілді. Алдын ала ауданы 2 гектарды құрайды. Қайтыс болғандар мен зардап шеккендер жоқ, - деп жазылған Түркістан облыстық ТЖД таратқан ақпаратта. 

Өртті сөндіруге орман шаруашылығынан 48 адам мен 8 бірлік техника, Түркістан облысы ТЖД 45 адам мен 5 бірлік техника жұмылдырылған.