Тоқаев СҚО-ға жұмыс сапарымен барады

Мемлекет басшысы Қасым-Жомарт Тоқаев бүгін Солтүстік Қазақстан облысына жұмыс сапарымен барады, деп хабарлайды Arbat.media.

Президент өңірдегі көктемгі егіс науқанымен танысып, ауыл шаруашылығы тауарын өндірушілермен кездесіп, сондай-ақ әлеуметтік нысандарды аралап көрмек.

Сондай-ақ, 30 мамыр күні Ақордада бірқатар мемлекеттің елшілерінен сенім грамоталарын қабылдайтыны белгілі болды.  Ал 2 маусымда Қырғызстанның Шолпан-Ата қаласында өтетін екінші "Орталық Азия – Еуропалық Одақ" саммитіне қатысады деп жоспарланып отыр.