Новости Казахстана•23 января 2023, 21:08

Тайландта құлдыққа түскен екі қазақ жігітінің елге қалай келгені жария болды

2023 жылдың басында Дубайға жұмыс істеуге аттанып, Тайландқа құлдыққа жіберілген екі қазақ жігітінің елге қалай оралғаны анықталды, деп хабарлайды Arbat.media.

Еліміздің Сыртқы істер министрлігінің ресми өкілі Айбек Смадияров құлдыққа тап болған екі қазақстандық туралы жағдайды мәлімдеді.

Екі азамат Тайланд, Мьянма және Лаос шекараларының түйіскен жерінде құлдықта болған. Жуырда сол жақта құлдықта болған екі жігіт аман-есен үжақындарымен қауышты. Біздің азаматтарға жергілікті тұрғын және халықаралық үкіметтік емес ұйым көмект қолын созды. Өйткені ол жерде жергілікті билік жұмыс істей қоймайды, - деді Айбек Смадияров.

25 жастағы тумасы Исламбек Қазбеков Қарағанды облысының тумасы. Ал оның серігі тараздық Жарас екеуі құлдықтан қашып шыққан көрінеді. Содан кейін бірден Сыртқы істер министрлігінің өкілдеріне хабарласыпты. Қазақстандықтарға белгілі бір сомаға шекараны кесіп өтуге жергілікті тұрғын көмектескен екен.

Біз хабар алысымен, оларға қауіпсіз жерде жасырына тұруға кеңес бердік. Сөйтіп ол жерге халықаралық үкіметтік емес ұйымның қызметкерін жібердік. Ол жігіттерді қала сыртына шығарып, қонақүйге орналастырды, - дейді ресми өкіл.

Кейін Қазақстан елшілігінің консулы автокөлікпен шығып, жігіттерді Бангкокқа алып кетті. Олардың визасының уақыты өтіп кеткен.

Бір тәулік ішінде құжаттарды дайындап, билет сатып алдық. Отандастарымыз Қатар елі арқылы арқылы Алматыға ұшып келді, - деді ол.

Бұған дейін Дубайға жұмыс істеуге аттанған қос қазақстандық азаматтың жоғалып кеткені белгілі болды. Бастапқыда оларды сол елдегі Қазақстан азаматтары байқаған. Кейін елде тұратын жақындары бірнеше күннен бері байланысқа шықпағанын айтып дабыл қақты.

Автор

Редакция