Шығыс Қазақстанда екі аптада отызға жуық дала өрті тіркелді

Шығыс Қазақстан облысында екі апта ішінде далада отыздан астам  өрт оқиғасы тіркелді, деп хабарлайды Arbat.media.

ШҚО Төтенше жағдайлар департаменті өңір аумағында сәуір айында өрттің жоғары қауіпті кезеңі басталғанын мәлімдеді. Сәуір айы басталғалы бері облыс аумағынна отыздан астам дала өрті тіркелген көрінеді. 

Өрт қаупі жоғары кезеңде орман және дала өрттерінің алдын алу үшін іс-шаралар жоспары бекітіліп, бірлескен рейдтер жүргізу үшін азаматтық қорғау қызметкерлері қатарынан мобильді топтар құрылды. «Geosat» ЖШС арқылы ғарыштан мониторинг жүргізіліп, құтқарушылар жалын шыққан жерлерге бірден жол тартуда. Өрт көбінесе ашық аумақта және саяжайларда шығып жатыр, - деп жазылған ШҚО ТЖД баспасөз қызметі таратқан ақпаратта. 

Қазір өңірде орман өрттерін дереу өшіруге басымдық берілген. Бүгінде облыста жергілікті атқарушы органдар қарамағындағы орман шаруашылықтарының 70 пайызы өртке қарсы техникамен және жабдықтармен жасақталғаны белгілі болды.