ШҚО-да кішкентай баланы зорлаған күдікті ұсталды

Шығыс Қазақстан облысында 5 жасар қызды зорлады деген күдікке ілінген ер адам қамауға алынды, деп хабарлайды Arbat.Media.

Өңірдің полиция департаменті баспасөз қызметі тәртіп сақшылары 5 жасар қызды зорлады деген күдікпен ер адамды уақытша ұстау изоляторына қамағанын мәлімдеді.

Қазіргі уақытта аталған дерек бойынша сотқа дейінгі тергеу амалдары жүргізіліп жатыр. 

Қылмыстық істің мән-жайы анықталып жатыр. Тиісті сараптамалар тағайындалған. Қылмыстық-процестік кодекстің 201-бабының 1-бөлігіне сәйкес өзге мәліметтерді жария етуге тыйым салынған, - деп жазылған ШҚО ПД таратқан ақпаратта. 

Полиция өкілдері күдіктінің неше жаста екенін әзірге жарияламады. Кейбір деректерде шектен шыққан жағдайдың облысқа қарасты Глубокое ауданында болғаны жазылды.