ШҚО-да Алтай ауданының әкімі қызметінен кетті — Ленин ескерткіші

Шығыс Қазақстан облысы Алтай ауданының әкімі Ернар Мұстафин өз еркімен қызметінен кетті, - деп хабарлайды Arbat.media.

Ернар Мұстафин 2022 жылдың қыркүйек айында Алтай ауданының әкімдігіне тағайындалып, бір жылға жуық қызмет етті.

Аймақ басшысы Ермек Көшербаев өтінішке қол қойды, енді Алтай ауданы әкімінің міндетін Ренат Құрмамбаев атқарады.

Биыл тамыз айында Шығыс Қазақстандағы Алтай қаласында жөнделіп жатқан Ленин ескерткіші қирап, кейін Алтай ауданының әкімдігі не себепті Ленин ескерткішін жөндеуге қаражат бөлгенін түсіндірген.  

Өткен жолы Ленин ескерткішінің маңына белгісіз біреу «Ленинді қайтарыңдар!» деп жазып, енді оны полиция іздеп жатыр.