"ҚазМұнайГаз" "Өзенмұнайгаздағы" тексеру жұмыстарын аяқтайды

Жаңаөзендегі "ҚазМүнаГаз"-дың арнайы жұмыс тобы мұнай сервис кәсіпорындарын тексеріп, қаланың еңбек ұжымдарымен және кәсіподақ ұйымдарымен кездесулер өткізеді, деп хабарлайды Arbat.media.

«ҚазМұнайГаз» ҰК АҚ баспасөз қызметінің мәліметінше, қазіргі уақытта «Өзенмұнайгаз» АҚ-тың қаржы-шаруашылық қызметін тексеру жөніндегі жұмыс аяқталуға жақын, аралық қорытындылары дайындалып жатыр. 

Анықталған сәйкессіздіктер бойынша комиссия кейбір қызмет түрлерін, оның ішінде ұңғымаларды жерасты жөндеу, көлік қызметтері және т.б. қызметтерді одан әрі тексермек. 

Сондай-ақ, алдағы екі аптаға жауапты мамандарды тарта отырып, мердігер ұйымдардың еңбекақы төлеу, әлеуметтік төлемдер, қауіпсіздік техникасын сақтау шарттарына инспекция жүргізу жоспарланғаны айтылды.