Қазақстандағы екінші деңгейлі 9 банктің жұмысы тоқтайды
Қазақстанда екінші деңгейлі 9 банктің жұмысы тоқтайды деп күтіліп отыр. Қазіргі уақытта Қазақстан бойынша 21 екінші деңгейлі банк жұмыс істейді, деп хабарлайды Arbat.media.
"Ашық НҚА" порталында "Қазақстан Республикасының кейбір заңнамалық актілеріне қаржы ұйымдарының қызметін реттеу және қаржылық қызметтерді тұтынушылардың құқықтарын қорғау мәселелері бойынша өзгерістер мен толықтырулар енгізу туралы" құжаттың нұсқасы жариял болды.
Жобаға сәйкес, қаржы саласындағы бірқатар проблемалық мәселелерге байланысты елде тоғыз банкті тарату ұсынылып отыр.
Қазіргі уақытта Қазақстан нарығында екінші деңгейдегі 21 банк жұмыс істейді. Бұл ретте тарату процесінде тұрған тоғыз банк бар. 2022 жылдың басынан бастап агенттік екінші деңгейдегі банктің басшы қызметкері лауазымына 13 кандидатты келісуден бас тартты. Бағалы қағаздар нарығында 49 субъект жұмыс істейді, бұл ретте 2022 жылдың басынан бастап агенттік басшы қызметкер лауазымына 10 кандидатты келісуден бас тартты, - деп жазылған құжатта.
Заңға енгізілген түзетулер жобасы 26 шілдеге дейін қоғамдық талқылауға қол жетімді.
