Қазақ тілді аудиторияның теледидарды көп көретіні анықталды
Елімізде 2021 жылдан бастап теледидар көретін қазақстандықтардың саны 40 мыңға артып, 3,83 миллион адамға жетті. Бұл рейтинг 100 мың адамнан асатын қалалар тұрғындары арасында жасалды, деп хабарлайды Arbat.media.
Ірі қалалардағы 3,83 миллион адам күн сайын теледидарды көреді. 2021 жылмен салыстырғанда телекөрермендер шамамен 40 мың адамға өсті. Яғни, 2021 жылы күн сайын 3,79 миллион адам теледидар қараған, - деп жазды Ұлттық медиа қауымдастығының төрағасы Кемелбек Ойшыбаев.
Оның жазуынша, Қазақстанда телекөрермендер саны үнемі өсіп келеді. Қазақстанның ірі қалаларының тұрғындары күн сайын орташа есеппен 1,5 сағат теледидар көреді екен,
Біз жас санаттары, әлеуметтік мәртебе, білім деңгейі және тіл қалауы бойынша орташа көру уақытын талдадық. Жалпы, көптеген бөлімдерде айтарлықтай айырмашылықтар байқалмайды. Мысалы, ер адамдар күніне 92 минут, әйелдер 89 минут, жоғары білімі бар адамдар 86 минут, жоғары білімі жоқ адамдар 93 минут теледидар көреді. Егер жұмыс істейтін адамдар күніне 80 минут қараса, онда жұмыссыздар орташа есеппен 100 минут теледидар көреді. Егер жас бойынша бөлетін болсақ, онда қазақстандықтар 6 жастан 55 жасқа дейін орташа есеппен 90 минуттай теледидар көреді, ал 55 жастан асқан адамдар күніне орта есеппен 103 минут теледидар көреді. Бұл көрсеткіштер өте қисынды, өйткені жұмыссыздардың бос уақыты көбірек, ал жалпы аға буын адамдар кешті теледидар экранының алдында өткізуді әдетке айналдырады, - дейді К.Ойшыбаев.
Еліміздегі ірі қалалардағы қазақ тілді тұрғындар теледидар өнімдерін орташа есеппен 117 минут қарайтыны белгілі болған. Ал өзге тілдерде сөйлейтін адамдар орташа есеппен 66 минут теледидар көреді екен.
