Отандық дрондар сынақтан сәтті өтті

«Қазақстан инжиниринг» ұлттық компаниясы» АҚ жаңартылған үлгідегі "Шағала-М" дронына сынақ жұмыстарын сәтті аяқтады, деп хабарлайды Arbat.media.

Отандық дронның тактикалық және техникалық сипаттамалары жақсартылып, жылдамдығы, әуеге көтерілуі және ұшу ауқымы кеңейген.

«Қазақстан инжиниринг» ұлттық компаниясы» АҚ-ның басқарма төрағасы Теміржан Әбдірахманов айтқандай, елімізде құрастырылған ҰҰА әмбебаптығымен ерекше. Мәселен, оны мұнай-газ, энергетика секторлары және азаматтық қорғаныста, оның ішінде іздеу-құтқару жұмыстарында қолдануға болады. Бұған қоса қазақстандық өнімнің төтенше жағдай кезінде тікұшақты алмастырып, мұнай және газ құбырларына, сондай-ақ электр желілеріне бақылау жүргізуде пайдасы көп.  «Шағала-М» аппаратының артықшылығы оған ұшып-қону жолағы қажеті жоқ. Бағасы шетелдік аналогтармен салыстырғанда арзан. Аталған өнімді сату мәселесіне келсек, СТ–KZ және индустриялық сертификаттары мен патенті бар», деді «Қазақстан инжиниринг» R&D орталығының бас директоры Ғани Байсейітов.

Биыл ҚР ИИДМ Қазақстанның әуе кеңістігінде ұшқышсыз ұшу аппараттарын пайдалану жөніндегі ережені әзірлеп, соған сәйкес әуе кеңістігін пайдалану тәртібінен бөлек ұшу аппараттарын есепке алу, санаттарға бөлу мен дрондарға рұқсат құжаттарын беру жолдарын қарастырған.