Өскемен тұрғыны үш тоннадан астам спиртпен ұсталды

Шығысқазақстандық полицейлер құрамында 3,5 тоннадан астам спирт бар ерітінді тәркіледі, деп хабарлайды Arbat.media.

Кеше Өскемен қаласында полиция қызметкерлері Hyundai микроавтобусын тоқтатқан. Аталған көлікті 41 жастағы қала тұрғыны басқарып келе жатқаны белгілі болды.

Автокөлікті тексеру кезінде тәртіп сақшылары тиісті құжаттарсыз құрамында спирті бар сұйықтықпен толтырылған 739 пластикалық бөтелкені тапты, - деп жазылған ПД ақпаратында.

Қазіргі уақытта тәркіленген заттарды әрі қарай тексеру үшін сараптамаға жолданған.