Көкшетауда алаяқтар телефон арқылы балалардан 18 млн теңгені алып кетті
Көкшетау қаласында алаяқтарды кішкентай балаларды 18 млн теңгеге алдап кетті, деп хабарлайды Arbat.media.
Көп ақша алған курьерді тәртіп сақшылары “ізін суытпай” ұстады. Polisia.kz-тің жазуынша, Көкшетау қаласының полиция басқармасына жергілікті тұрғынның өтініші келіп түскен.
14 маусым күні сағат 15:00 шамасында белгісіз адамдар өзіне тиесілі 18 млн теңгесін алаяқтық жолмен иемденгені туралы хабарлады. Полиция басқармасы аталған дерекке қатысты ҚР ҚК-нің 190-бабы 3-бөлім (Алаяқтық) сотқа дейінгі тергеуді бастады.
Жедел-іздестіру іс-шаралар барысында полиция қызметкерлері күдіктілердің өтініш берушінің кәмелетке толмаған балаларын алдағанын анықтады. Жәбірленушілердің айтуы бойынша, екі белгісіз әйел өтініш берушінің үй телефонына қоңырау шалып, балаларға анасының кесірінен апат болғанын және шұғыл медициналық көмекке мұқтаж екендігін айтты.
Күдіктілер балаларды әйелді құтқару үшін қаражат, ал ЖКО-ның басқа қатысушылары үшін өтемақы қажет деп сендірген. Күдіктілер пәтерде ақша қаражаттарының қай жерде екендігін білген. Оларды кейінірек балалар қылмыскерлердің сыбайласына, яғни курьерге берген.
Аталған оқиғадан келген залал сомасы 18 млн теңгені құрады. Үйге оралып, болған оқиғаны білген кәсіпкер алаяқтық туралы Көкшетау қаласының полиция басқармасына дереу хабарлады. Жедел-іздестіру іс-шаралары барысында басқарма қызметкерлері қылмыс құрбандарының бірін ұстады.
Күдікті қолма-қол ақшаны сыбайластардың банктік шоттарына аударғаны анықталды. Қылмыстың басқа қатысушыларын анықтау және ұстау бойынша іс-шаралар жалғасып жатыр.
