ІВА бокстан Ташкентте өтетін әлем чемпионатының жүлдегерлеріне өте қомақты сыйақы береді

Сәуір айының соңында бокстан Ташкентте басталатын әлем чемпионатына қатысатын спортшылар саны анықталды, деп хабарлайды Arbat.media.

Аталған біріншілікке Қазақстан құрамасы да қатысады. 30 сәуір мен 14 мамыр аралығы Өзбекстанда өтетін сынға әлемнің 104 елінен келетін боксшылар қатысады деп күтілуде.

Қазргі уақытта әлем чемпионатына қатысу 640 боксшы тіркеліп, 13 салмақ дәрежесінде сынға түсетіні белгілі болды. IBA-ның хабарлауынша, турнинге тіркеу жұмыстары 14 сәуірге дейін жалғаспақ.

Әлем чемпионатының жалпы жүлде қоры – 5,2 миллион долларды құрайды. Әр салмақтағы жеңімпазға алтын медальмен бірге 200 мың доллар табысталады. Күміс жүлдегерлерге 100 мың доллар және қола медаль иесіне 50 мың АҚШ беріледі.

Бұған дейін бокстан әлем чемпиоанатына байкот жариялаған елдер анықталған болатын. Оның ішінде АҚШ, Ирландия, Ұлыбритания, Украина қатысудан бас тартқан болатын. Бұл тізімге таяу күндері Германия мен скандинав елдері қосылуы мүмкін. 

Сонымен бірге, Чехияның бокс қауымдастығы ІВА-ға балама болатын халықаралық бокс қауымдастығын құру туралы бастамасын хабарлаған еді. Ал Қазақстан бокс федерациясы Өзбекстанда өтетін әлем чемпионатына ұлттық құраманың қатысатынын мәлімдеді.