Ердоғанның айлық еңбекақысы Қазақстандағы облыс әкімдерінен аз болып шықты

Түркияның вице-президенті Фуат Октай Парламенттің Бас Ассамблеясында Реджептайып Ердоғанға ай сайын төленетін еңбекақы көлемін айтты, деп хабарлайды arbat.media.

Депутаттар алдында сөйлеген вице-президент басшылардың еңбекақысы туралы айта келе, Парламенттің зейнеткерлікке шыққан спикерлері мен депутаттардың жалақысы 2022 жылдың екінші жартысында және 2023 жылы президенттік үстемеақылармен байланысын тоқтатқалы бері өспейтінін айтты.

"Біздің Президенттің 2022 жылға арналған бюджеттегі таза жалақысы 66 мың 445 лираны құрайды. Осы күннен бастап біздің Президент мырзаның жалақысы өскен жоқ", - деді Фуат Октай.

Ердоғанның еңбекақысы теңгеге шаққанда 1 669 000 теңгені құрайды. Бұл Қазақстандағы кейбір облыс әкімдерінің айлық табысынан анағұрлым аз. Мәселен, Қызылорда облысын басқарған Гүлшара Әбдіхалықова ай сайын 1,8 миллион теңге еңбекақы алғанын айтқан. Ал Астана қаласын үш жыл басқарған Алтай Көлгінов әкімдік қызметі үшін 1,9 миллион теңге табыс тапты.

Ал Үкімет мүшелерінің еңбекақысы Түркия президенті Реджептайып Ердоғанмен шамалас көрінеді. Елімізде министрлер кабинетінің мүшелері жобамен 1,5-1,17 миллион теңге көлемінде айлық жалақы алады.