Елена Рыбакина әлемдік рейтингте жетінші орынға тұрақтады

Бүкіл әлемдік әйелдер теннисі қауымдастығы (WTA) жаңа рейтингті жариялады, деп хабарлайды Arbat.media.

Қазақстандық теннисші Елена Рыбакина бұл тізімде бұрынғы жетінші орнын сақтап қалды. Ал WTA-ның чемпиондық тізімінде Елена екінші сатыға жайғасты. Сонымен бірге, аталған әлемдік рейтингіде Юлия Путинцева 47-орыннан 45-ке жоғарылады. 

Жұптық ойын бойынша Қазақстанның бірінші ракеткасы Анна Данилина 26-орында қалды. Ал  Жәнел Рүстемова 972-сатыға ілінді.

WTA рейтингісінің 10 сәуірдегі көрсеткіші төмендегідей:

7 (0). Елена Рыбакина (Қазақстан) – 4305,

45 (+2). Юлия Путинцева (Қазақстан) – 1235,

427 (+14). Жібек Құламбаева (Қазақстан) – 112,

463(-10). Гөзал Айнитдинова (Қазақстан) – 96,

1111 (+24). Аружан Сағындықова (Қазақстан) – 10.

Бұған дейін Елена Рыбакина АҚШ-та Индиан-Уэллс WTA 1000 турнирінің чемпионы атанған болатын. Сонымен бірге, ол жыл басынан бері үш ай бойынша табысты ойыншылар арасында бірінші орынға тұрақтады.