Екібастұзда құбыр жарылып, көшені ыстық су басты

Екібастұзда жөндеу жүріп жатқан құбырдан ыстық су атқылап, көшені басып қалды, деп хабарлайды Arbat.media.

Рavlodarnews.kz-тің жазуынша, 18 мамыр күні сағат 6:30-да Мәшһүр Жүсіп көшесі бойындағы диаметрі 820 мм №2 жылу магистралінің жөндеу жүріп жатқан учаскесіндегі бекіткіште ақау бары анықталған.

Қазіргі таңда су тоқтатылды. "Екібастұзжылуэнерго"  ЖШС жұмысшылары ақауды жою бойынша жұмыстарды жүргізіп жатыр, - деді қала әкімдігінің баспасөз қызметі. 

Сондай-ақ, мердігердің бүгін сағат 14:00-ге дейін жағдайды реттеуді жоспарлап отырғаны хабарланды.

Өткен жылдың соңында Екібастұз қаласында жылу жүйесінде апат болып, қала тұтас мұз құрсауында қалған еді. Кейін мәселе түбегейлі шешімін тауып, облыс әкімі қызметінен босатылды.