Біздің алдымызда Назарбаевтың отбасын жауапкершілікке тарту тапсырмасы тұрған жоқ - Бас прокуратура

Еліміздің бұрынғы президенті Нұрсұлтан Назарбаевтың отбасын жауапкершілікке тарту туралы Бас прокуратурада айтылды, деп хабарлайды Arbat.media.

Бас прокурордың орынбасары Әсет Шындалиев аталған органның Назарбаевтың туыстарын капиталды заңсыз әкету үшін тексере ме деген сауалға жауап берді. 

Біздің алдымызда Тұңғыш Президенттің отбасына немесе басқа біреуге қатысты қандай да бір іс қозғау міндеті тұрған жоқ. Біз елден заңсыз әкетілген барлық капиталды тексерумен және қайтарумен айналысамыз, - деп жауап берді Бас прокурордың орынбасары.

Ол қазір Әділет министрлігі заңнаманы қайта қарау және үйлестіру жұмыстарын жүргізіп жатқанын атап өтті. 

Қылмыстық кодекске тиісті түзетулер әлі енгізілген жоқ. Әділет министрлігі қандай заң тұңғыш президент пен оның отбасына қатысты, ал қайсысының қатысы жоқ екенін анықтау үшін талдау жүргізеді, - деп қосты Чиндалиев

Оның айтуынша, қылмыстық іс қозғау туралы негіздерді Антикор, қаржы мониторингі агенттігі, ІІМ және ҰҚК қызметкерлері іздеуі керек.

Жақында Қазақстан Конституциялық соты "Қазақстан Республикасының Тұңғыш Президенті – Елбасы туралы"Заңның күші жойылды деп тану туралы қаулы шығарған еді. Ал елбасының мәртебесін Конституциядан алып тастайтын түзетулер маусым айында өткен референдум кезінде қабылданған болатын.