Атырау облысында жоғалып кеткен малшы табылмай жатыр

Атырау облысында екі күннен бері із-түзсіз жоғалып кеткен 37 жастағы малшы табылмай жатыр, деп хабарлайды Arbat.media.

Өңірдің Төтенше жағдайлар департаментінің мәліметінше, малшының жоғалғаны туралы дерек 24 мамыр күні белгілі болды. 

Малшы болып жұмыс істейтін 1986 жылы туған жігіттің қыстақтан 23 мамыр күні жергілікті уақытпен сағат 17:00-де шығып кеткен. Қыстақ Жылыой ауданының орталығы – Құлсары қаласынан 70 шақырым қашықтықта орналасқан. Содан бері одан еш хабар жоқ. Ол сол кеткеннен қыстаққа кері оралмаған», - деді облыстық ТЖД-ның баспасөз қызметі. 

Белгілі болған дерек бойынша малшының қай бағытта кеткені белгісіз болып отыр. Қазір оны іздеу жұмыстарына облыстық Төтенше жағдайлар департаментінен 5 қызметкер мен 1 техника жұмылдырылды Құтқарушылар қатарына Жылыой аудандық полиция бөлімінің қызметкерлері енген.