Атырау облысында мектеп оқушысы суға түсемін деп бақилық болды
Атырау облысында суға шомылау кезінде 15 жастағы бала суға батып кетті, деп хабарлайды Arbat.media.
Атырау облысы Төтенше жағдайлар департаменті судағы қауіпсіздікті сақтау, ата-аналардың балаларын қараусыз қалдырмау бойынша профилактикалық іс-шаралар жүргізгеніне қарамастан адамдардың жазғы суға түсу маусымында қаза болу оқиғалары азаяр емес.
29 мамыр күні 17:07 сағатта Атырау облысы Құрманғазы ауданы Нұржау ауылының бойымен өтетін «Шарон» өзенінің сағасы «Жіңішке» каналында суға түсуге тыйым салынған жерде балалар суға түсіп, соның бірі 2008 ж.т. жасөспірім тереңдігі 3 метр болатын канал суына шомылу кезінде батып кеткендігі анықталды. су асты іздестіру жұмыстары жүргізіліп, нәтижесінде 19:05 сағатта ТЖД қызметкерлері және ауыл тұрғындарының күшімен мүрдесі судан шығарылды, - деді облыстық ТЖД баспасөз қызметіндегілер.
