Аружан Саин жауапты міндетінен босатылды

Еліміздегі Бала құқықтары жөніндегі уәкіл болған Аружан Саин өз міндетінен босатылды, деп хабарлайды Arbat.media.

Бұл туралы Ақорданың баспасөз қызметі мәлімдеді. 

Мемлекет басшысының өкімімен Аружан Саин Қазақстан Республикасындағы Бала құқықтары жөніндегі уәкіл лауазымынан босатылды, - деп жазылған ақпаратта. 

А.Саин бұл қызметті 2019 жылғы шілдеден бері атқарған еді. Сонымен қатар, таяуда мемлекет басшысы Аружан Саиынды қабылдап, кездесу барысында балалардың денсаулығы мен әлеуметтік тұрғыда қорғалуына, сондай-ақ балаларға жасалатын зорлық-зомбылыққа қарсы іс-әрекетке қатысты өзекті мәселелер талқылаған еді.