Ақтауда жаяу адамды көлік қағып жазым қылды
Ақтауда кешкілік қала ішіндегі жолдағы жаяу жүргіншілер жолағында жеңіл көлік адам қағып, оқиға орнында мерт қылды, деп хабарлайды Arbat.media.
МО полиция департаментінің хабарлауынша, қайғылы оқиға 5 маусым күні кешкі сағат 23:30 шамасында болған. 28А шағын ауданындағы 6 үйге қарама-қарсы жол-көлік оқиғасы болғанын куәгерлер хабарлаған.
"Ваз2115" автокөлігінің жүргізушісі реттелмеген жаяу жүргіншілер өткелінде 35-40 жас аралығындағы ер адамды қағып кеткен. Апат салдарынан жарақат алған ер адам оқиға орнында қайтыс болды, - деді ПД баспасөз қызметі.
Бұл дерек бойынша ҚР ҚК 345-бабы 3-бөлігі бойынша Маңғыстау облысы ПД СДТБТ-да тіркелді. Сот-медициналық сараптама тағайындалып, қазір тергеу амалдары жүргізілуде. Тергеу мүддесі үшін басқа ақпарат жария етілмейді. Сондай-ақ, марқұмның жеке басына қатысты дерек әлі анықталған жоқ.
