Алматыда көпдеңгейлі автотұрақтар салынады
Ерболат Досаев көпдеңгейлі паркингтерді дамыту жоспарларын айтты, - деп хабарлайды Arbat.media.
Алматыдағы Снегин көшесінде 15 жылдан астам уақыт бойы көпдеңгейлі паркинг қараусыз тұрған. Оны әртүрлі асоциалды элементтер, қаңғыбас иттер паналап, тұрғындарға үлкен қолайсыздық тудырады.
«Біз бұл мәселені шешу жолдарын қарастырудамыз. Естеріңізде болса, мен қалада көпдеңгейлі паркингтерді дамыту бойынша тапсырма берген болатынмын. Мәселе объектіні сатып алу мен оның бағасына қатысты. Биыл бізде қаржылық мүмкіндіктер болмайды, бірақ 2024 жылға арналған бюджетті қалыптастыру кезінде мен тұрғындарға ыңғайлы болу үшін оларды көпдеңгейлі паркингтерге айналдыру үшін сатып алуға немесе құрылысты аяқтауға болатын барлық орынды қарауға қатысты тапсырма бердім. Самал бойынша тапсырма беремін: бұл жоба қаншаға бағаланатынын көрейік. Сол жерде ыңғайлы әрі дұрыс паркинг жасау қарастырылады. Сіз дұрыс байқағансыз, ескі көпдеңгейлі паркинг бұрыннан тұр. Біз оны жасай аламыз ба әлде бұзу керек пе? Қарастырамыз», - деді Ерболат Досаев.
