Әлихан Смайылов елімізде сирек кездесетін аңдардың көбейгенін атады

Үкімет басшысы Әлихан Смайылов сенаторлардың сауалына берген жауабында елімізде сирек кездесетін тұяқты жануарлардың көбейіп келе жатқанын айтты, деп хабарлайды Arbat.media.

Әлихан Смайылов  Үкіметтің тапсырмасы бойынша Экология және табиғи ресурстар министрлігі мүдделі мемлекеттік органдармен бірлесіп жабайы жануарлардың көші-қон жолдарын айқындау және жолдың учаскелерінде экодуктар салу жөніндегі Жол картасын әзірлеп жатқанын алға тартты.

Оның жауабында 2022 жылдың қорытындысы бойынша елімізде сирек кездесетін тұяқты жануарлар санының өсуі туралы айтылған.

Тоғай бұғыларының саны 1 052 (2021 жылы – 976), қарақұйрықтың саны 15 089 (2021 жылы – 14 894), құланның саны 4 413 (2021 жылы – 4337), арқардың саны 19 730 (2021 жылы – 18 279) құрады. Бұдан басқа, елде биоәртүрлілікті сақтаудың қазақстандық қауымдастығы және биосаналуандылығын сақтау қоры сияқты жануарларды қорғау жөніндегі үкіметтік емес ұйымдар жұмыс істейді. Бұл ұйымдар жануарлар дүниесін қорғау және қорғау саласында, оның ішінде жабайы жануарлардың сирек кездесетін, жойылып кету қаупі төнген түрлерінің санын қалпына келтіру бойынша қажетті жұмыс жүргізеді, - деді Әлихан Смайлов өз жауабында.

Премьер-министр Қостанай және Солтүстік Қазақстан облыстарындағы су айдындарында қаздардың сирек түрлерінің жыл сайынғы күзгі және көктемгі есебі жүргізілетінін және оларды сақтау жөніндегі іс-қимыл жоспары дайындалғанын жеткізді. Сондай-ақ, жануарлар дүниесін қорғау, өсімін молайту және пайдалану мәселелері Үкіметтің ерекше бақылауына алынғанын мәлімдеді.