Абай облысындағы бір ауылда төтенше жағдай жарияланды

Абай облысы Бесқарағай ауданы Жетіжар ауылының тұрғыны сібір жарасы ауруына шалдыққан деген күдікке ілінді, - деп хабарлайды Arbat.media.

Бұл туралы ҚазАқпарат жазды. Науқас ПТР тестінен өтті, қазіргі уақытта ауру расталмады, деп хабарлайды .

"Төтенше жағдайлардың алдын алу және жою жөніндегі жоспардан тыс облыстық комиссияның отырысында халықтың қауіпсіздігін қамтамасыз ету мақсатында жергілікті ауқымда табиғи төтенше жағдай жариялау туралы шешім қабылданды.

Қазіргі таңда Жетіжар ауылының кіре берісіне санитарлық бекет орнатылып, ауылдан ауыл шаруашылығы өнімдерін шығаруға уақытша шектеу қойылды", - деп жазды облыс әкімдігінен.

Сондай-ақ, жағдайдың себептерін анықтау үшін аудиторлық жұмыстар жүргізіліп жатыр.

Естеріңізге салсақ, сібір жарасы ауа тамшылары арқылы таралмайды. Жара ауру малдың еті, тері, жүні немене ластанған тағамдар мен ауыз суды ішіп-жеу арқылы жұғуы мүмкін.

Әкімдік барлық аудан тұрғындарын тек ресми ақпаратқа сенуге шақырды.