Абай облысында көптен күткен жаңбыр жауды

14 маусымға қараған түні Абай облысында көптен күткен жаңбыр жауды, деп хабарлайды Arbat.media.

Абай облысында жергілікті тұрғындар түнде жауған жаңбырлы сәтпен қуанышты күйде бөлісті. 

Абай облысында 8 маусымнан бастап орман өрттері жанып жатыр. Қазіргі уақытта өрт  аумағы 60 мың гектардан асты. 

Сөндіру жұмыстары күннің ыстық болуына байланысты нәтиже бермей отыр. Облыста ауа температурасы 38 градусқа дейін көтеріліп, күн желді болып түр. Соның салдарынан өрттің көлемі ұлғая түсті. 

Бұған дейін өңірдегі ауыл тұрғындары тасаттық беріп, жаңбыр тілеген болатын.