Заңды бұзған трансгендерлер жазасын қай жерде өтеу керек?

Заңды бұзған трансгендерлер жазасын қай жерде өтеу керек, - деп жазады  Arbat.media

Мұндай сұрақ бүгінде Германияның пенитенциарлық жүйесін толғандырып отыр.

Түзеу мекемелерінде ерлер мен әйелдер бөлек ұсталып, қатаң түрде жынысы бойынша бөлінген. Бірақ транс адамдармен түсініксіз жағдай қалыптасты. 

Мысалы, транс әйел Аннемари Хаус алаяқтық жасағаны үшін екі жыл жазасын өтеген.

Оның адвокаты Томас Галли: «Түрмелер транс адамдарды орналастыруға мүлдем дайын емес, транс адамдар айлар бойы түрме ауруханаларында ұсталады немесе оқшауланады, өйткені онымен не істеу керектігі туралы түсінік жоқ. Жазасын өтеу кезінде Хаус ерлер түрмесінде де, әйелдер түрмесінде де уақытын өткізген. 

Түрмелердің көпшілігінде ашық ержүректік пен еркек күшіне табыну өте күшті және толеранттық өте аз. Ол жерде трансгендерлерді мазақ қылады деген қорқыныш әбден орынды. Оның үстіне неміс түрмелерінде ерекше қажеттіліктері бар тұтқындарға арналған мекемелер бар, мысалы, қарттарға арналған гериатриялық палаталар. Осыған ұқсас нұсқаны трансгендерлер үшін де қолдануға болады.

Германияның қылмыстық атқару жүйесі жұмысшылары кәсіподағының төрағасы Рене Мюллер де трансгендер адамды жекелей орналастыруды жақтайды. Бірақ ол неміс түрмелеріндегі қызметкерлердің аз екенін, бұл тұтқындарға жеке күтім жасауды қиындататынын айтып отыр.